| 
小寶寶出世了 5月25日 早上起床的時候覺得肚仔痛痛好似有點不對,當我去厠所時就發現<見紅>,我個心立刻十五十六唔知點好,出來之後我打電話比朋友問吓佢點好再打比威威叫佢快d返來,因為星期日威威唔洗返工就去咗買麥當勞早餐,點之佢重緊張過我,我就慢慢食完個早晨才沖洗,但因為陣痛成一個鐘一次所以我地諗住再痛多d才入院,費時在醫院無所事事在家裏打吓機睇吓電腦不知幾好,一直到半夜我feel到個肚開始越來越痛和十五分鐘就痛一次所以我叫醒威威去醫院 5月26日 入院後做了簡單的檢查就話我未有咁快生得,所以就先叫威威回家睡覺自己就在醫院開始第一日的留院,雖然係半夜但因為好痛所以我都無點瞓好快就天光了,早上醫生來檢查看看我是否可以落產房但我痛咗成日點都係未可以,.............可憐的媽媽哦.............現在的我己經5分鐘超痛一次我真係唔知自己可以忍幾耐,威威他不斷的安慰我 但係我真的好辛苦,佢又唔可以在我身邊因為醫院只有一個探病時間,所以我情緒都好不安,晚上我又一個人痛到天亮 5月27日 早上醫生又同我檢查看看可否去產房,結果又係未得......嗚......嗚.......點解我要痛咁多日架,醫生見我痛得好辛苦就問我試唔試吓去產房打針支痛,嘩打針我重怕唔好攪我,可能d姑娘見我成日行來行去個樣又勁痛就叫我食d嘢和在床上睡吓,但我真係痛到食唔到和睡不著,到下午醫生又檢查時我終於可以去生啦,我立刻打電話比威威,因為落咗產房就唔可以帶電話 在產房 姑娘同我放了許多儀器,又吊鹽水但佢地無啦啦講咗d英文就幫我抽兩支血,我問佢地又唔同我講,等了大約一個鐘姑娘見我子宮開得好慢就幫我(吹生),又問我要唔要支痛,我當然要啦,不過個姑娘真係好好見我好怕又同我講笑又開收音機比我聽,d(笑氣)令我個人wing吓wing吓但我都聽到隔離房d人叫到好辛苦才生下BB,毎當我聽到有人大叫大叫後就有BB哭就心想幾時到我呢和好感動,媽媽真係真係好偉大,男人一生人都唔可以有呢種感覺真係好可惜雖然好痛但 |
不過今年都算開心雖然抽不中現金但我地玩遊戲都中了2千多元哈哈勁呀!!!!
